A+ A A-

Verán

Verán

Folión de Carros en Chantada

Folión de Carros

Chantada 4º Fin de semana de Agosto

Celébrase anualmente o cuarto fin de semana do mes de agosto grazas á asociación Amigos do Folión que se fundou no ano 1989 co obxectivo de manter no tempo esta antiga tradición, a cal, segundo algúns data da Idade Media e segundo outros incluso da era castrexa.

No ano 2002 foi declarada Festa de Interese Turística de Galicia e está a espera de converterse en ben de interese cultural BIC.

As rúas de Chantada  neste día que coincide coas festas patronais, retorna a un pasado tradicional e exalta oficios arraigados en décadas anteriores.

 
Non é doado ver carros tirados por vacas ou bois pero neste día e neste lugar pervive a tradición.

 

Enlaces de Interese:

Web oficial do Evento

Facebook

https://www.facebook.com/Folión-de-carros-de-Chantada-172189359458490/

Partes dos Carros

 Videos en Youtube  2017           2016  

 

Ler máis

29 de xullo, Santa Marta de Ribarteme. Procesión dos Cadaleitos - As Neves

PROCESIÓN DOS CADALEITOS

Romería de Santa Marta

Falar de Santa Marta de Ribarteme é falar dunha das romarías máis antigas de Galicia: Santa Marta de Ribarteme, en donde cada 29 de xullo se celebra a procesión dos cadaleitos, mestura de ritualidade simbólica e relixión, cada vez máis visitada e coñecida. O santuario, así como o seu arredor, transpira espiritualidade e devoción típica da Galicia profunda.

A procesión  é presidida tódolos anos pola imaxe de Santa Marta. A igrexa relaciona a fama milagreira de Santa Marta coa súa estreita relación con Xesucristo. Santa Marta era a irmá de Lázaro e trala morte de Xesús viuse obrigada a abandonar Palestina.

Ás 12 do mediodía, a parroquia pontevedresa de Santa Marta de Ribarteme arde en fervor dos fieis que se apostan ante as portas dunha igrexa parroquial abarrotada pola multitude. No seu interior a xente dispútase un espazo ante o altar onde se atopa unha das virxes máis venerada da comunidade galega. Centos de devotos que como tódolos anos intentan ofrecer á Virxe un sacrificio, unha ofrenda ben distinta para cada un dos congregados.

Esta romaría cobra un carácter especial pois nela poderase ver algún que outro penitente introducido nun ataúde solicitando a intervención milagreira da santa, co fin de sanar dunha grave enfermidade ou como mostra de agradecemento por algún dos favores nos que esta teña mediado. Durante a procesión, a imaxe de Santa Marta é acompañada por San Benito e a Virxe do Carme.

Fonte: Web do Concello

Ligazóns de Interese

Santa Marta de Ribarteme. Procesión de los ataúdes. As Neves (Pontevedra)

La procesión de Santa Marta de Ribarteme

Enlace á páxina Oficial

Festa do BOI en Allariz

Sobre o evento

Na vila de Allariz, a tradición popular fala da celebración da procesión do Corpus dende o ano 1316 d.C., ano da súa institución por Xoán XXII, o que tería dado lugar as burlas da comunidade xudía provocando ao ano seguinte a salida de Xán de Arzúa que montado nun touro enmaromado dispersou aos xudíos arroxándolles fariña misturada con formigas rabiosas ( esta lenda está na orixe da Festa do Boi que perviviu en Allariz ata a actualidade).

Saber máis:

 http://www.festadoboi.gal/

 http://www.festadoboi.gal/orixes/ 

 

WebGrafía: http://www.teatroengalicia.es/corpus.htm

 

O San Xoán, solsticio de verán

Acerca do San Xoán

tradicions de san Xoán

As festas cíclicas son celebradas en toda Europa dende a Prehistoria, en canto o home tomou conciencia do significado agrario das estacións.
Nun esforzo cristianizador pasouse a festa do solsticio de verán á noite do día de San Xoán.
As xuntanzas que por este motivo se fan en cidades e aldeas galegas son centos.
Sardiñadas, pancetadas, preceden ás queimadas preparadas mentres se recitan o unísono os conxuros.
A noite máis curta do ano é noite de meigas.
O lume a arma pra loitar contra os males.
Saltar a fogueira un número impar de veces é unha tradición esta noite.
E o mencer a auga cobra tanta importancia como o lume, xa que lavarse coa auga de rosas deixada ao orballo esta noite é o remedio das enfirmidades da pel e manter a beleza
Na Coruña O SAN XOÁN é festa de interese Turístico, en SARRIA e Noite de Meigas e nas praias de SANXENXO ou LOURO e outras, a TRADICIÓN do baño das nove cordas que toman as mulleres que non poden ter descendencia.

 

 

Conxuro da Queimada

Mouchos, coruxas, sapos e bruxas.

Demos, trasgos e diaños, espíritos das nevoadas veigas.

Corvos, pintigas e meigas, feitizos das menciñeiras.

Podres cañotas furadas, fogar dos vermes e alimañas.

Lume das Santas Compañas, mal de ollo, negros meigallos, cheiro dos mortos, tronos e raios.

Oubeo do can, pregón da morte, fociño do sátiro e pé do coello.

Pecadora lingua da mala muller casada cun home vello.

Averno de Satán e Belcebú, lume dos cadáveres ardentes, corpos mutilados dos indecentes, peidos dos infernais cus, ruxido da mar embravecida.

Barriga inútil da muller solteira, falar dos gatos que andan á xaneira, guedella porca da cabra mal parida.

Con este cullerón levantarei as chamas deste lume que asemella ao do inferno, e fuxirán as bruxas a cabalo das súas escobas, índose bañar na praia das areas gordas.

¡Oíde, oíde! os ruxidos que dan as que non poden deixar de queimarse no augardente, quedando así purificadas.

E cando esta queimada baixe polas nosas gorxas, quedaremos libres dos males da nosa alma e de todo embruxamento.

Forzas do ar, terra, mar e lume, a vos fago esta chamada: si é  verdade que tendes máis poder que a humana xente, aquí e agora, facede que os espíritos dos amigos que están fora, participen con nos desta queimada.

 

 Enlace a versión original   http://aldeasgallegas.com/sanxoan.htm

Festa da Música e das Artes de PARDIÑAS

Pardiñas Feira e Festa da Música e das Artes

Primeiro fin de semana de agosto Lagostelle (San Xoán)

"A parroquia de San Xoán de Lagostelle comprende o núcleo municipal: Guitiriz e as aldeas de Acevedo, Amariz, Ansede, Arxá, Barreiro, Belote, Cabanacomba, Cezar , Escádebas, Xomelio, A Landoreira, Os Liñares, Pardiñas, O Pazo, O Penedo, O Sanguiñedo, Senande, Sesulfe, A Torre.

A esta parroquia pertence a “Área Recreativa San Xoán de Lagostelle” e a " Área Recreativa dos 7 muíños" que son unhas paraxes naturais que nos permiten entrar de cheo en contacto coa natureza e coñecer de primeira man a flora e a fauna local. De singular atractivo é o que ocorre na “Area Recreativa San Xoán de Lagostelle” ( coñecida popularmente como o pantano por estar situado o seu lado) á tardiña, cando as ras comezan a croar, crean un son moi fermoso que simula un pequeno concerto musical. Outro dos espazos naturais a destacar desta parroquia é o paseo fluvial que vai desde a Ponteveiga ata os Sete Muíños. Este paseo forma parte dun tramo da Ruta da Auga. Neste percorrido camiñamos á beira do río disfrutando dos rebulires de auga, das cascadas, das árbores e as formas que estas adoptan. É un paseo moi agradable, ideal para facer en calquera época do ano, e así ver como vai cambiando a paisaxe nas diferentes estacións .

Nesta parroquia, no núcleo municipal , destacaríamos o Reloxo Analemático de Sol , situado no campo da feira. Chámase así porque o gnomon se despraza ao longo do ano según a declinación solar. Así, é o propio observador quen situado sobre a data sinala a hora coa súa propia sombra."

Fonte: Web do Concello.

Colabora : http://andu.es

Carreira de Burros en Escairón

70ª edición da popular Carreira de Burros

Martes 4  agosto

Foto: Peruchela

Escairón,  concello do Saviñao (Lugo)


"Esta tradicional carreira de burros  celébrase a mañá do derradeiro día das festas patronais de  Escairón, na primeira  semana de Agosto.

Trátase dunha proba nas que os animais cós seus respectivos xinetes dan voltas ao redor do antigo campo de fútbol competindo por ser os

primeiros. De seguido realízase unha tamén moi tradicional  competición de tiro de cordas entre as xentes de diferentes parroquias que

abranguen as terras do concello do Saviñao.

Tense constancia desta celebración xa nun cartel anunciando as festas alá polo ano 1943."

 

 Ligazóns de interese

    Reportaxes anteriores

    Edición 2015

Festa do Esquecemento de Xinzo de Limia

En agosto na Limia.

Historia do Evento

Segundo a tradición, cando os romanos chegaron a Limia quedaron abraiados pola fermosura da paisaxe e o seu río, o cal confundiron co río Lethes, o río do esquecemento. Contaba a lenda que quen o cruzase esquecería todo o relativo á súa vida pasada e ao seu lugar de orixe. Foi así como durante moito tempo, o exército desistiu da idea de conquistar os territorios máis alá da vía fluvial por medo á amnesia.

Foi Décimo Junio Bruto o único que non se deixou levar pola superstición. Arrebatoulle o estandarte a un dos seus homes e cruzou o río. Cando chegou ao outro lado foi chamando aos soldados polos seus nomes para demostrar que aínda mantiña os seus recordos.

Este episodio da historia recréase  na celebración da Festa do Esquecemento en Xinzo de Limia o penúltimo fin de semana de agosto.

Na festividade pódense ver campamentos militares da época, un mercado de produtos galaico-romanos e desfiles entre outras cousas. O máis representativo da festividade é a escenificación do paso dos romanos polo Limia e a posterior batalla.

 

Festa do Viño Albariño en Cambados

ALBARIÑO DE CAMBADOS, PONTEVEDRA

Celébrase durante a semana do primeiro domingo de agosto.

É a festa do viño branco máis multitudinaria da comunidade. Enche durante cinco días as rúas de Cambados de casetas onde degustar o Albariño e a gastronomía das Rías Baixas, amenizado todo con espectáculos pirotécnicos e musicais que garanten a diversión.

Esta festa do viño é a máis antiga de Galicia e a segunda de España, considerada ademais Festa de Interese Turístico Nacional.

Naceu no ano 1953 coa colleita do 1952. 

Ligazóns de interese 

Páxina do Evento 

Saber máis do Evento

Wikipedia

 

 

 

 

 

17 de Agosto día dos mártires Galegos

 DÍA DOS MÁRTIRES GALEGOS

17 de Agosto

 

 

alexandreboveda

Así narraba o inolvidable Xosé Neira Vilas, alá polo ano 2010, como xurdiu  esta data para homenaxear a todos aqueles que morren por causas inxustificables.

"Sobre o líder galeguista Alexandre Bóveda, amigo e compañeiro de loita de Castelao, lévase escrito moito. Xerardo Álvarez Gallego falábame en Buenos Aires, en 1956, do proxecto de escribir unha biografía de seu cuñado; quería dar testemuño daquel mártir cercano, pois fora testemuña día a día da súa vida e do seu tráxico final. Anos despois deu a coñecer Vida, paixón e morte de Alexandre Bóveda. Publicáronse tamén moitos poemas na súa memoria. Na diáspora arxentina instituímos o 17 de agosto -data do fusilamento de Bóveda na Caeira- como Día dos Mártires Galegos, con actos que organizaba unha comisión integrada por case unha decena de asociacións de emigrantes. Pasaron 74 anos daquel asasinato e a figura de Bóveda agrándase no tempo. Con el "enterraron semente" que segue abrollando nas conciencias dos bos e xenerosos.

O máis dramático desta biografía é o arbitrario proceso que desembocará na morte brutal. Vemos a súa valentía, a súa determinación e a súa tenrura familiar. Cando confesa que a súa morte vai ser o seu derradeiro acto de servizo a Galicia, fainos recordar a frase de Julio Antonio Mella, o líder popular cubano, mandado asasinar en México uns anos antes polo tirano Machado: "Aún después de muertos somos útiles".

Referencia artigo completo

Outra víctima das miles delas asasinadas

RAPA das BESTAS Sabucedo, A Estrada e Viveiro FEIRA do CABALO

 Rapa das Bestas en Sabucedo 

rapa

 

http://www.rapadasbestas.gal/

En 1567 dúas irmás de Sabucedo, un pobo de Pontevedra, foron pedirlle a San Lorenzo que lles librase da peste negra, a cambio estas regalaríanlle dous cabalos.

Contan que este foi o inicio da tradición coñecida co nome “ rapa das  bestas”, que se vén celebrando neste pobo desde hai máis de 4 séculos.

A rapa consiste na procura grupos de cabalos salvaxes. Homes a pé corren  axudados por outros homes a cabalo,  rodeando os grupos e facendo baixar ata o pobo que está a un 15 km de distancia. Unha vez no pobo, encérranos no curro, unha praza circular feita de paredes de pedra. Nenos de entre 12 e 15 anos inícianse nesta tradición separando aos poldros dos cabalos.

Despois chega a quenda dos homes, teñen que conseguir someter aos cabalos, raparlles as crines, as colas e marcalos.

Son necesarios 3 homes para someter a un cabalo, un móntao para cansalo, outro o colle polo pescozo, o terceiro cólleo pola cola, rápao e márcao.

Sen dúbida a doma dos animais é unha arte ancestral transmitida de xeración a xeración que perdura nos nosos días.

Nin se lles quere facer dano, nin se realiza esta práctica por divertimento.

 

Romaría do Ecce Homo en Rubián

ECCE HOMO

Antes a Rubían  iamos comer debaixo das árbores cós avós, empanadillas,  polo ou o que fose. Case sempre o avó traía melindres de Ourense.

Hoxe segue a misa con procesión na honra ao Ecce Homo onde  numerosos ofrecidos realizan o percorrido descalzos có traxe morado de nazareno para pedirlle ao santillo que lles cure dalgún mal.

Logo á tarde festa con orquestra.

Xa comeza o día 14 de setembro, día de feira con verbena e queimada. Os dous dias seguintes misas, sesión vermout , xantares e grandes orquestas.

MÁIS INFORMACIÓN

Esta tradición  remóntase ao século XVIII, época na que ademáis pelegrinaban fieis de toda a comarda de xeonllos ata esta capela do Diviño Ecce Homo de Rubían . Ligazón

ANOS ANTERIORES

2008 Concierto presentación na Capela

Imáxenes 2007 - 2008-2009

ecce09

Feira do Viño de Valdeorras

Feira do Viño de Valdeorras

    O Barco de Valdeorras     Páxina Oficial : D.O. Valdeorras    - Información de Festas

Sobre o viño destas terras

A tradición vitícola de Valdeorras remóntase á época romana. Na actualidade abarca as superficies vitícolas dos municipios da Rúa, Carballeda de Valdeorras, Larouco, O Barco, O Bolo, Petín, Rubiá e Vilamartín.

As zonas de produción ocupan gran parte das concas dos ríos Sil, Xares e Bibei.

As variedades de castes autorizadas son: Para os brancos, con preferencia, o Godello, e ademais, Doa Branca e Palomino ou Xerez. Para os tintos, preferentemente, o Mencía e Sousón, aínda que tamén Brancellao, Merenzao ou María Ardoña, Negreda, Garnacha Tintorera, Alacante, Tempranillo e Grao Negro.

Brancos

Elaborados a partir das variedades brancas (preferentes: Godello, Loureira, Treixadura, Doa Branca, Albariño, Torrontes e Lado. Autorizada: Palomino)

Elabóranse:

VALDEORRAS GODELLO: cun 100% de Godello.

CASTES NOBRES: cun mínimo de 85% de variedades preferentes.

VALDEORRAS BRANCO: elaborados coas variedades preferentes ou autorizadas brancas.

Tintos

Elaborado con uvas tintas preferentes (Mencía, Tempranillo, Brancellao, Merenzao, Sousón, Caíño Tinto, Espadeiro e Ferrón), ou autorizadas (Gran Negro, Garnacha Tintureira e Mouratón).

Elabóranse:

VALDEORRAS MENCÍA: cun 85% de Mencía.

VALDEORRAS CASTES NOBRES: cun mínimo de 85% de variedades tintas preferentes.

VALDEORRAS TINTO: coas variedades preferentes ou autorizadas tintas.

Escumoso

Un viño espumoso obtido segundo o método tradicional, elaborado cun mínimo do 85% de uva da variedade godello.

Tostado

Viño naturalmente doce elaborado a partir das variedades tintas ou de Godello.

Produción Controlada

Os distintos viños tintos acabados de mencionar, e o Valdeorras Godello que se elaboren con uva procedente de parcelas con limitación de produción.

Crianza

Todos os tipos de viños brancos e tintos de Valdeorras sometidos ao envellecemento en barricas de carballo poderán ser, segundo a lexislación vixente, Barrica, Crianza e Gran Reserva.

 

FUENTE WEB OFICIAL DO CONSELLO REGULADOR D.O. VALDEORRAS

 

 

Romaría viquinga de Catoira

FESTA DE INTERESE TURÍSTICO INTERNACIONAL

Primeiro domingo de agosto

Dende 1961 celébrase a  "Romaría Viquinga", festa declarada de Interese Turístico Internacional no ano 2002.

No século XI na mariña lucense avistouse unha frota de naves normandas achegándose ás costas.

Seica o Bispo San Gonzalo, púxose a rezar e o fervor da súa Fe levantou unha gran tormenta que fixo naufragar a toda a frota.

A través dos cauces dos ríos os invasores adentrábanse no territorio galaico. Así fixeron para chegar á localidade pontevedresa de Catoira.

Aquí neste enclave  xúntanse as augas do Ulla coa ría de Arousa. É a entrada máis natural para ir a Compostela.

Cada primeiro domingo de agosto celébrase a Romaría Vikinga en Catoira.

A recreación do desembarco é o acontecemento central da festa.

A golpe de remos o drakrar vikingo rodea a illa do rapto e alcanza a península de Catoira.

Os invasores saltan á terra e loitan cos habitantes que só teñen aperos de labranza a modo de armas polo que algunhas doncelas son secuestradas.

O Sangue desta batalla convértese en viño tinto do Ulla que corre abundante na romaría.

O día grande é o domingo pero días antes xa se pode disfrutar das xornadas Catoira na Historia.

Outro xeito de dicilo

"Romaría Viquinga de Catoira - Nesta data, Catoira escenifica nun singular espectáculo as invasións viquingas que sufriron hai máis de mil anos. Tras un asalto cheo de euforia e viño, ten lugar a tradicional comida campestre, nun ambiente festivo, dominado polo mercado medieval e a posterior verbena da Alameda"

Enlace de Interese

https://es-es.facebook.com/RomeriaVikingaCatoira/

 

Romaría Labrega en Vilares

Romaría Labrega

Segundo fin de semana de agosto

Collage imaxes facebook oficial do evento

Ruta Cabalar - Feira de Artesanía - Carreira Popular - Carreiras de Cabalos - Música Folk -  Marcha en Bicicleta -  Sega do cereal con Fouciñas - Malla do Trigo  - Festa da Escuma e Carreira con Cortacéspede - Bon xantar e música tradicional ao longo dos dous días nos que se desenvolven as actividades.

Ligazóns de interese: Facebook do Evento

Vilares (Os) (San Vicenzo) 

Os Vilares é unha parroquia que está a 7 km de Guitiriz e que conta con 44 entidades poboacionais. 

O seu patrimonio histórico cultural é amplo. A orixe da súa igrexa parroquial data do século XII  e conta nas inmediacións  cun conxunto de cruceiros que amosan a paixón e morte de Xesús. 

Tamén conserva restos da cultura castrexa como o Castro das Reixas.

Outro dos tesouros de esta parroquia é a PENA ROLDAN situada no lugar da Pena Fachada. "É unha enorme rocha situada nun fermoso contorno natural. A lenda conta que Roldán (lexendario guerreiro compoñente dos doce pares de Francia, o servizo de Carlomagno) cando estaba nos seus últimos anos de vida veu a estas terras para defendelas dos seus inimigos mouros. Cando trataba de escorrentar os seus rivais aproximouse a este lugar e chamoulle a atención a enorme rocha que alzaba nel. O sentir que se achegaba o seu final decidiu deixar unha marca, por elo tomou a súa espada e partiu en tres a rocha, despois volveuna a coller e abriu un dos trozos deixando un especie de cruz latina alargada que gardaría o recordo da súa espada."

Fonte:  Web do concello  Colabora: www.andu.es 

 

Mercado Medieval en Mondoñedo

Mercado Medieval en MONDOÑEDO

En agosto, XXVII Edición

Celébrase anualmente o segundo domingo de  agosto revivíndose a Idade Media ao longo de toda a xornada.

O casco histórico da cidade de Mondoñedo,  declarado conxunto histórico-artístico en 1985 acolle este mercado medieval que é un dos máis antigos da provincia de Lugo.

Facebook do Evento

https://www.facebook.com/groups/46835578050/

Ligazóns Relacionadas: Un paseo una foto , Cultura , Mondonedo.net

Info Web Concello http://www.concellomondonedo.es/

 

2ªdo sábado de xullo, Feira Guímara - Medieval

Coñecendo a  situación histórica

A Pobra do Brollón foi un dos  escasos "territorios de realengo" que conservou a Coroa en Galiza. Todalas aldeas deste territorio durante  a Idade Media eran, polo tanto, de realengo que son os que teñen por  señor a “Su Majestad, Dios le guarde, sin que se reconozca otro señorío ni por esta razón se pague cosa alguna a ningún señor”. Un privilexio para a nosa terra  nesa época de tantos séculos  que abarca este periódo, xa que a maior parte do territorio de Galicia era de xurisdicción señorial ou de abadengo, sendo escasas as terras de xurisdicción real.

Alá por o ano 1494  os procuradores de A Pobra do Brollón,  Gonzalo de Losada e Xoán Franco, denunciaron ós Reixes Católicos que:

  "El Conde de Lemos y sus oficiales obligaban a los vecinos de Puebla a realizar una serie de serventías y fazenderas, con es ir a labraren en su cavas e ferrerias, e en otras cosas, e faziendo cortar madera e que los dichos las llevasen a sus casas sin les pagar por ello salario alguno". Referencia: La Nobleza gallega en la Baja Edad Media, de P. García Oro.

  Os Reies reprenderon ós Condes de Lemos por tales abusos, pero ós poucos días,  esos mesmos Condes quixeron impor un novo dereito que incluía o pago da quinta parte de pan e do viño que se recollían en dita terra do Brollón. Os veciños resistiron unha vez mais e pediron os Reies unha solicitude de amparo, e os reies tiveron que recordarlles unha vez mais aos feudais de Lemos que a terra da Póboa era de realengo e que semellantes exaccións foran prohibidas por as cortes de Toledo no ano 1480."

 

<

Enlaces: 

Video Revolta 2018

Feira Guímara - 2016

Enlace a lista de Reproducción 2016

Enlace a páxina oficial do Facebook do Evento 

 

programacion 2019 histora por Olga Novo

Deprecated: Unparenthesized `a ? b : c ? d : e` is deprecated. Use either `(a ? b : c) ? d : e` or `a ? b : (c ? d : e)` in /mnt/web109/d0/46/51728046/htdocs/joomla_03/libraries/quix/vendor/twig/twig/src/Node/Node.php on line 46 Deprecated: Unparenthesized `a ? b : c ? d : e` is deprecated. Use either `(a ? b : c) ? d : e` or `a ? b : (c ? d : e)` in /mnt/web109/d0/46/51728046/htdocs/joomla_03/libraries/quix/vendor/twig/twig/src/Node/Node.php on line 202
Descarga Libro Gratis
Datos Galicia IGE
Comprar Artesanía
PROXECTO TERRA - MAPAS

PROXECTO TERRA