A+ A A-

Verán

Verán

  • Categoría: Verán
  • Visitas: 2886

17 de Agosto día dos mártires Galegos

 DÍA DOS MÁRTIRES GALEGOS

17 de Agosto

 

 

alexandreboveda

Así narraba o inolvidable Xosé Neira Vilas, alá polo ano 2010, como xurdiu  esta data para homenaxear a todos aqueles que morren por causas inxustificables.

"Sobre o líder galeguista Alexandre Bóveda, amigo e compañeiro de loita de Castelao, lévase escrito moito. Xerardo Álvarez Gallego falábame en Buenos Aires, en 1956, do proxecto de escribir unha biografía de seu cuñado; quería dar testemuño daquel mártir cercano, pois fora testemuña día a día da súa vida e do seu tráxico final. Anos despois deu a coñecer Vida, paixón e morte de Alexandre Bóveda. Publicáronse tamén moitos poemas na súa memoria. Na diáspora arxentina instituímos o 17 de agosto -data do fusilamento de Bóveda na Caeira- como Día dos Mártires Galegos, con actos que organizaba unha comisión integrada por case unha decena de asociacións de emigrantes. Pasaron 74 anos daquel asasinato e a figura de Bóveda agrándase no tempo. Con el "enterraron semente" que segue abrollando nas conciencias dos bos e xenerosos.

O máis dramático desta biografía é o arbitrario proceso que desembocará na morte brutal. Vemos a súa valentía, a súa determinación e a súa tenrura familiar. Cando confesa que a súa morte vai ser o seu derradeiro acto de servizo a Galicia, fainos recordar a frase de Julio Antonio Mella, o líder popular cubano, mandado asasinar en México uns anos antes polo tirano Machado: "Aún después de muertos somos útiles".

Referencia artigo completo

Outra víctima das miles delas asasinadas

  • Categoría: Verán
  • Visitas: 889

Folión de Carros en Chantada

Valoración: 5 / 5

Star activeStar activeStar activeStar activeStar active

Folión de Carros

Chantada 4º Fin de semana de Agosto

Celébrase anualmente o cuarto fin de semana do mes de agosto grazas á asociación Amigos do Folión que se fundou no ano 1989 co obxectivo de manter no tempo esta antiga tradición, a cal, segundo algúns data da Idade Media e segundo outros incluso da era castrexa.

No ano 2002 foi declarada Festa de Interese Turística de Galicia e está a espera de converterse en ben de interese cultural BIC.

As rúas de Chantada  neste día que coincide coas festas patronais, retorna a un pasado tradicional e exalta oficios arraigados en décadas anteriores.

 
Non é doado ver carros tirados por vacas ou bois pero neste día e neste lugar pervive a tradición.

 

Enlaces de Interese:

Facebook

https://www.facebook.com/Folión-de-carros-de-Chantada-172189359458490/

Partes dos Carros

 Videos en Youtube  2017           2016  

 

  • Categoría: Verán
  • Visitas: 430

Folión Castrexo de Celanova

Valoración: 5 / 5

Star activeStar activeStar activeStar activeStar active

Celanova, segundo fin de semana de agosto

Introdución 

No ano 1970 descubriuse nun xacemento castrexo de Castromao unha placa de bronce onde figuraba un pacto establecido de convivencia pacífica entre ese asentamento e os romanos que data do ano 132 dc. O folión castexo de Celanova busca conmemorar este episodio da historia antiga.

Nesta festividade, centos de persoas vístense coas roupas dalgún clan castrexo ou ben das lexións romanas e recrean a convivencia harmónica que tivo lugar alí. Para facelo, representan o encontro entre ambos bandos, a súa conciliación e finalmente rematan con danzas da época.

Ligazóns relacionados

http://folioncastrexo.com/

http://www.terradecelanova.com/html/folion_dos_castros.htm

http://www.xoanarcodavella.com/2017/07/poblado-castrexo-de-castromao.html

 

  • Categoría: Verán
  • Visitas: 1327

Festa Normanda en FOZ

Valoración: 5 / 5

Star activeStar activeStar activeStar activeStar active

FESTA NORMANDA EN FOZ

Ligazón á páxina oficial do Evento 

Na época das invasións viquingas ó Reino de Galicia, una gran frota normanda intentou penetrar nas terras de Foz.  

No século IX o Bispo de San Martiño de Mondoñedo, nomeado Gonzalo, colleu  fama de Santo perdurando no tempo a súa lenda.

No alto da Grela,  Bispo  e plebe intentaron aceptar o fatal destino que lles ía tocar e comezaron a rezar. De súpeto, o ceo comezouse a nubrar, soprando o vento e levantándose unha tempestade no mar. O bon Gonzalo mantíñase rezando mentras os abraiados ferigreses vían como o temporal  ía a máis, de xeito que a frota viquinga comezaba a amosar dificultades para entrar na ría.

As violentas olas e o vento comezaron a fundir naves viquingas, que non podían chegar a terra nin escaparse mar adentro. O Bispo Gonzalo seguía rezando mentres raios e xigantescas ondas facían naufragar barco tras barco, ata que só quedou un que segundo o Bispo, Deus quixo que levase aviso da dificultade de asaltar as terras cristiás.

Dende aquel día, celébrase na capela do Obispo Santo do Alto da Grela unha muy popular romaría e dende 2011 ten lugar a festa normanda en Foz en recordo do milagro de Gonzalo.

 

 

  

 

Fonte: http://www.festanormanda.com/historia/


 

  • Categoría: Verán
  • Visitas: 1953

Festival Irmandiño de Moeche

Valoración: 5 / 5

Star activeStar activeStar activeStar activeStar active

 FESTIVAL IRMANDIÑO EN MOECHE

No ano 1431, Roi Xordo apoiado por uns 10.000 homes tomou o Castelo de Moeche, centro dun triángulo formado polos castelos de Vilalba, Andrande e Narahío...

" O festival Irmandiño é un proxecto que naceu en 1980 como resposta á necesidade de proxectarnos como pobo con historia propia, como herdeiros duns  galegos e galegas que, aló polo século XV, se rebelaron contra o poder establecido, contra unha situación social de opresión, abuso e miseria.

Os primeiros organizadores tiñan  como motivo máis tanxíbel e máis próximo,  conseguir que o castelo de Moeche non se deteriorase máis e se mantivese como símbolo do concello e da  nosa historia...."  Ler artigo completo

Ligazóns de Interese:

Facebook do Evento  - Visitar Moeche - Concello de Moeche - Castelo de Moeche

  • Categoría: Verán
  • Visitas: 750

17 de Agosto - Artesanía na Ponte de Louzara - SAMOS

Valoración: 5 / 5

Star activeStar activeStar activeStar activeStar active

FEIRA DE ARTESANÍA E PRODUTOS NATURAIS

PONTE DE LOUZARA,  SAMOS

A feira de artesanía e produtos naturais da Ponte de Loúzara nace no 2008 como recuperación da antiga feira que se celebrou neste lugar en tempos pasados.
Pola súa boa acollida, celebra este 2018 a súa onceava edición atraendo  a numerosos visitantes que co pretexto da feira poden testemuñar o encanto da contorna.
Mostras con cesteiros tradicionais, xabóns artesanais con aromas e plantas medicinais, tallas de madeiras, reloxos con pedras, con fósiles da Veneira ou de raíces de árbores, bastóns e tallas auténticas para decorar, xugos, carros, arados, botelleiros, hórreos e mesmo os típicos mazaricos para o leite.
Artesáns do coiro, mel de Louzara, pan galego, empanadas, roscas, polbo e churrasco.
Teatro, charanga, gaiteiros e tamén cabalos para dar paseos polo lugar.
Esta é a gran oferta lúdica que podemos atopar neste lugar das montañas de Samos lindando xa có Courel.
 

 
  • Categoría: Verán
  • Visitas: 1964

Etnografía e Artesanía do Incio . Pedra, Ferro, Madeira, Música

Valoración: 5 / 5

Star activeStar activeStar activeStar activeStar active

X EDICIÓN da Feira de ETNOGRAFÍA E ARTESANÍA do INCIO

Domingo 02 de setembro 

Nesta edición haberá concerto da cantante Lucía Pérez

Cada primeiro fin de semana do mes de setembro O Incio, concello do sur lucense,  celebra este evento etnográfico e artesán.

Ligazóns a reportaxes de edicións pasadas:

O FERRO

A PEDRA

A MADEIRA

Ano 2017 Feira adicada á Música

 

  • Categoría: Verán
  • Visitas: 2598

Romarías de Setembro en Galicia

Star inactiveStar inactiveStar inactiveStar inactiveStar inactive

ROMARÍAS de Setembro

Son moitas as localidades en Galicia que celebran as súas festas ou romarías nos días sete, oito e nove de setembro.

Romaría de nosa señora da Barca en Muxía "Esta romaría, que mestura relixiosidade e troula, é unha das máis concorridas de Galicia. Tras cumprir cos ritos da Pedra de Abalar ou da Pedra dos Cadrís, os devotos poden gozar dunha comida campestre entre música de gaitas e pandeiretas, e continuar a festa na localidade"

Os Remedios en Sarria, Ribas Pequenas, Baños de Molgas,, Amil, Moraña.....

Romaría de Cadeiras http://coladodovento.gal/romaria-da-virxe-de-cadeiras-pinol/

Os Milagres no Cebreiro     máis datos

 

  • Categoría: Verán
  • Visitas: 1867

Festa das Fachas de Castelo - Taboada

Valoración: 5 / 5

Star activeStar activeStar activeStar activeStar active

AS FACHAS DE CASTELO 

Fai miles de anos que se celebra este ritual de autoafirmación que reune aos tres símbolos máis importantes do druidismo celta, o lume  a planicie e o circulo.

A piques de perdeserse esta costume, na década dos noventa grazas a laboura duns poucos fundouse a asociación As Fachas co obxetivo de garantir a súa perseveranza tempo.

No castro de Castelo, na noite do 7 ao 8 de setembro  colócanse no perímetro do asentamento marcando a súa estructura circular e separados por espacios minuiciosamente medidos,   fachas de  ata sete metros de altura,  ás que se lle poñerá lume cando a escuridade sexa completa.

No medio do silencio asoma un son bárbaro producido polo crepitrar das lapas das ducias de fachas. Veciños e curiosos visitantes son testigos deste impresionante espectáculo igneo  que permite desfrutar da cumunión cós seus mais remotos ancestros.

O lume  préndeselle ás fachas  de arriba para baixo e a mellor feita será a última en extinguirse, pola que levarán premio os seus elaboradores.

 Enlace a PDF de interese (pronto)

 

 

  • Categoría: Verán
  • Visitas: 2219

Romaría do Ecce Homo en Rubián

Star inactiveStar inactiveStar inactiveStar inactiveStar inactive

ECCE HOMO

Antes a Rubían  iamos comer debaixo das árbores cós avós, empanadillas,  polo ou o que fose. Case sempre o avó traía melindres de Ourense.

Hoxe segue a misa con procesión na honra ao Ecce Homo onde  numerosos ofrecidos realizan o percorrido descalzos có traxe morado de nazareno para pedirlle ao santillo que lles cure dalgún mal.

Logo á tarde festa con orquestra.

Xa comeza o día 14 de setembro, día de feira con verbena e queimada. Os dous dias seguintes misas, sesión vermout , xantares e grandes orquestas.

MÁIS INFORMACIÓN

Esta tradición  remóntase ao século XVIII, época na que ademáis pelegrinaban fieis de toda a comarda de xeonllos ata esta capela do Diviño Ecce Homo de Rubían . Ligazón

ANOS ANTERIORES

2008 Concierto presentación na Capela

Imáxenes 2007 - 2008-2009

ecce09

  • Categoría: Verán
  • Visitas: 387

Festa do Esquecemento de Xinzo de Limia

Star inactiveStar inactiveStar inactiveStar inactiveStar inactive

En agosto na Limia.

Historia do Evento

Segundo a tradición, cando os romanos chegaron a Limia quedaron abraiados pola fermosura da paisaxe e o seu río, o cal confundiron co río Lethes, o río do esquecemento. Contaba a lenda que quen o cruzase esquecería todo o relativo á súa vida pasada e ao seu lugar de orixe. Foi así como durante moito tempo, o exército desistiu da idea de conquistar os territorios máis alá da vía fluvial por medo á amnesia.

Foi Décimo Junio Bruto o único que non se deixou levar pola superstición. Arrebatoulle o estandarte a un dos seus homes e cruzou o río. Cando chegou ao outro lado foi chamando aos soldados polos seus nomes para demostrar que aínda mantiña os seus recordos.

Este episodio da historia recréase  na celebración da Festa do Esquecemento en Xinzo de Limia o penúltimo fin de semana de agosto.

Na festividade pódense ver campamentos militares da época, un mercado de produtos galaico-romanos e desfiles entre outras cousas. O máis representativo da festividade é a escenificación do paso dos romanos polo Limia e a posterior batalla.

Ligazóns de interese

  • Categoría: Verán
  • Visitas: 2668

Festa do BOI en Allariz

Valoración: 5 / 5

Star activeStar activeStar activeStar activeStar active

Sobre o evento

Na vila de Allariz, a tradición popular fala da celebración da procesión do Corpus dende o ano 1316 d.C., ano da súa institución por Xoán XXII, o que tería dado lugar as burlas da comunidade xudía provocando ao ano seguinte a salida de Xán de Arzúa que montado nun touro enmaromado dispersou aos xudíos arroxándolles fariña misturada con formigas rabiosas ( esta lenda está na orixe da Festa do Boi que perviviu en Allariz ata a actualidade).

Saber máis:

 http://www.festadoboi.gal/

 http://www.festadoboi.gal/orixes/ 

 

WebGrafía: http://www.teatroengalicia.es/corpus.htm

 

  • Categoría: Verán
  • Visitas: 2294

Música na Rúa - Fin de curso Conservatorios e Escolas de Música

Valoración: 5 / 5

Star activeStar activeStar activeStar activeStar active

Introducción

Existen moitas opcións para estudiar música no noso país. Asociacións musicáis e escolas de música na ensinanza non oficial e os conservatorios e centros autorizados na ensinanza oficial.

En canto aos conservatorios a ensinanza atópase dividida en tres graos.

-Elemental, catro cursos.

-Profesional, seis cursos.

-Superior 4 ou  5 cursos dependendo da especialidade. 

Coa superación de cada un destes graos obténse unha titulación oficial que no grao superior é equivalente a unha licenciatura. Os dez primeiros cursos que abarcan o grado Elemental e o Profesional están centrados na preparación instrumental do alumno, primeiramente dun xeito individual pero tamén colectivo con asinaturas de conxunto instrumental, vocal, orquestra e outras. A partires do grao Superior o alumno pode especializarse en materias como a composición, dirección, pedagoxía ou seguir có instrumento.

Dependendo do lugar de residencia a oferta de especialidades varía en canto ao grado superior ou profesional.

En canto ás especialidades os conservatorios abordan tímidamente o campo de eí o surximento de escolas particulares de música moderna.

Música na Rúa

A promoción das ensinanzas musicáis na rúa está en auxe en todo o país e cada ano son máis as escolas e conservatorios que a inclúen entre as súas actividades normalmente coincidindo coa chegada do bon tempo a finais do curso escolar.

Na cidade do Cabe, Monforte de Lemos xa levan seis anos repetindo está experiencia. Tanto para as persoas que nas terrazas ou no paseo diario se atopan con esta actuación  como para os que temos fillos, amigos ou achegados  entre os participantes  é un privilexio poder presenciar este espectáculo musical  na rúa  peatonal Cardenal Rodrigo de Castro .

Fin do Curso

Tradicionalmente o   festival de fin de curso e a festa de nadal  celébranse no  auditorio do conservatorio.

 

Galería de Imaxes do Evento por Peruchela

 

Algúns Videos 2018

Lista de Reproducción de Youtube


Enlace a VIDEOS 2018

 Enlaces a ediciones anteriores:

Enlace a VIDEO (24 minutos) curso 2016-2017
Enlace a VIDEO Fin de curso 2016-2017
Enlace VIDEOS Fin de curso 2015-2016
Enlace a curso 2014-2015 
Enlace a curso 2013-2014  
Concierto de nadal 2012 2013 
Enlace a curso 2012-2013
Enlace a curso 2011-2012
Enlace a curso 2010-2011

WebGrafía : Juan Ramos 

Enlace a artículo de la voz de Galicia

 

PROXECTO TERRA - MAPAS

PROXECTO TERRA