Aldeas
19 de xaneiro OS FACHOS, San Sebastián
Valoración: 5 / 5
OS FACHÓS EN CASTRO CALDELAS
OURENSE
Cada 19 de xaneiro véspera do San Sebastián, ás sete da tarde os veciños das 16 Parroquias coas 86 aldeas que conforman o territorio de Castro Caldelas acollen a festa dos "FACHOS"
Esta celebración pérdese no tempo e a súa orixe pódese remontar á costume herdada dos seus mais remotos antepasados castrexos.
Outros vinculan a orixe á lenda de cando San Sebastián ser perdeu no territorio e tiveron que saír a buscalo de noite.
Os veciños diríxense o Castelo, portando os fachóns acendidos que logo deixan diante da igrexa formando unha gran fogueira.
As estreitas rúas que chegan ata el están compostas por casas que seguen mantendo o estilo arquitectónico tradicional ata nas novas vivendas, asentadas sobre as penas.
O redor desa gran fogaza diante da igrexa dos Remedios, tódolos participantes e asistentes comen chourizo da terra con viño da súa ribeira Sacra e a bica mantecada , típica desta zona que recibe a súa particular homenaxe polo mes de xullo acompañada polo exquisito licor café que tamén se elabora aquí.
Os fachóns de palla para os portadores individuais teñen entre un e dous metros de lonxitude, pero o protagonista é o gran fachón, cabeza do grupo que no 2001 chegou a superar os 48 metros e que máis de 20 homes se encargan de levar sobre as forquitas.
Como nas últimas décadas xa non se se sementa practicamente cereal, non se malla, e moito menos a man; o concello solucionou o problema comprándollelo palleiro a un particular que continuaba coa tradición. Grazas a esta festa o centeo séguese a sementar, xusto cando estaba a piques de desaparecer esta tradición agrícola.
O pasado medieval reflíctese por todo o territorio desta comarca con numerosas ermitas e mosteiros como San Paio e Santa Tegra da Abeleda, que unha vez estando aquí non se poden deixar sen visitar.
