Verán

Verán

images/layerslider/LayerSlider-5-responsive-demo-slider/04.jpg

Música na Rúa - Fin de curso Conservatorios e Escolas de Música

Valoración: 5 / 5

Star activeStar activeStar activeStar activeStar active

Introducción

Existen moitas opcións para estudiar música no noso país. Asociacións musicáis e escolas de música na ensinanza non oficial e os conservatorios e centros autorizados na ensinanza oficial.

En canto aos conservatorios a ensinanza atópase dividida en tres graos.

-Elemental, catro cursos.

-Profesional, seis cursos.

-Superior 4 ou  5 cursos dependendo da especialidade. 

Coa superación de cada un destes graos obténse unha titulación oficial que no grao superior é equivalente a unha licenciatura. Os dez primeiros cursos que abarcan o grado Elemental e o Profesional están centrados na preparación instrumental do alumno, primeiramente dun xeito individual pero tamén colectivo con asinaturas de conxunto instrumental, vocal, orquestra e outras. A partires do grao Superior o alumno pode especializarse en materias como a composición, dirección, pedagoxía ou seguir có instrumento.

Dependendo do lugar de residencia a oferta de especialidades varía en canto ao grado superior ou profesional.

En canto ás especialidades os conservatorios abordan tímidamente o campo de eí o surximento de escolas particulares de música moderna.

Música na Rúa

A promoción das ensinanzas musicáis na rúa está en auxe en todo o país e cada ano son máis as escolas e conservatorios que a inclúen entre as súas actividades normalmente coincidindo coa chegada do bon tempo a finais do curso escolar.

Na cidade do Cabe, Monforte de Lemos xa levan seis anos repetindo está experiencia. Tanto para as persoas que nas terrazas ou no paseo diario se atopan con esta actuación  como para os que temos fillos, amigos ou achegados  entre os participantes  é un privilexio poder presenciar este espectáculo musical  na rúa  peatonal Cardenal Rodrigo de Castro .

Fin do Curso

Tradicionalmente o   festival de fin de curso e a festa de nadal  celébranse no  auditorio do conservatorio.


Galería de Imaxes do Evento por Peruchela


Algúns Videos 2018

Lista de Reproducción de Youtube


Enlace a VIDEOS 2018

 Enlaces a ediciones anteriores:

Enlace a VIDEO (24 minutos) curso 2016-2017
Enlace a VIDEO Fin de curso 2016-2017
Enlace VIDEOS Fin de curso 2015-2016
Enlace a curso 2014-2015 
Enlace a curso 2013-2014  
Concierto de nadal 2012 2013 
Enlace a curso 2012-2013
Enlace a curso 2011-2012
Enlace a curso 2010-2011

WebGrafía : Juan Ramos 

Enlace a artículo de la voz de Galicia

 

imprimir

Festa do BOI en Allariz

Valoración: 5 / 5

Star activeStar activeStar activeStar activeStar active

Sobre o evento

Na vila de Allariz, a tradición popular fala da celebración da procesión do Corpus dende o ano 1316 d.C., ano da súa institución por Xoán XXII, o que tería dado lugar as burlas da comunidade xudía provocando ao ano seguinte a salida de Xán de Arzúa que montado nun touro enmaromado dispersou aos xudíos arroxándolles fariña misturada con formigas rabiosas ( esta lenda está na orixe da Festa do Boi que perviviu en Allariz ata a actualidade).

Saber máis:

 http://www.festadoboi.gal/

 http://www.festadoboi.gal/orixes/ 

 

WebGrafía: http://www.teatroengalicia.es/corpus.htm

 

imprimir

O San Xoán, solsticio de verán

Valoración: 5 / 5

Star activeStar activeStar activeStar activeStar active

Acerca do San Xoán

tradicions de san Xoán

As festas cíclicas son celebradas en toda Europa dende a Prehistoria, en canto o home tomou conciencia do significado agrario das estacións.
Nun esforzo cristianizador pasouse a festa do solsticio de verán á noite do día de San Xoán.
As xuntanzas que por este motivo se fan en cidades e aldeas galegas son centos.
Sardiñadas, pancetadas, preceden ás queimadas preparadas mentres se recitan o unísono os conxuros.
A noite máis curta do ano é noite de meigas.
O lume a arma pra loitar contra os males.
Saltar a fogueira un número impar de veces é unha tradición esta noite.
E o mencer a auga cobra tanta importancia como o lume, xa que lavarse coa auga de rosas deixada ao orballo esta noite é o remedio das enfirmidades da pel e manter a beleza
Na Coruña O SAN XOÁN é festa de interese Turístico, en SARRIA e Noite de Meigas e nas praias de SANXENXO ou LOURO e outras, a TRADICIÓN do baño das nove cordas que toman as mulleres que non poden ter descendencia.

 

 

Conxuro da Queimada

Mouchos, coruxas, sapos e bruxas.

Demos, trasgos e diaños, espíritos das nevoadas veigas.

Corvos, pintigas e meigas, feitizos das menciñeiras.

Podres cañotas furadas, fogar dos vermes e alimañas.

Lume das Santas Compañas, mal de ollo, negros meigallos, cheiro dos mortos, tronos e raios.

Oubeo do can, pregón da morte, fociño do sátiro e pé do coello.

Pecadora lingua da mala muller casada cun home vello.

Averno de Satán e Belcebú, lume dos cadáveres ardentes, corpos mutilados dos indecentes, peidos dos infernais cus, ruxido da mar embravecida.

Barriga inútil da muller solteira, falar dos gatos que andan á xaneira, guedella porca da cabra mal parida.

Con este cullerón levantarei as chamas deste lume que asemella ao do inferno, e fuxirán as bruxas a cabalo das súas escobas, índose bañar na praia das areas gordas.

¡Oíde, oíde! os ruxidos que dan as que non poden deixar de queimarse no augardente, quedando así purificadas.

E cando esta queimada baixe polas nosas gorxas, quedaremos libres dos males da nosa alma e de todo embruxamento.

Forzas do ar, terra, mar e lume, a vos fago esta chamada: si é  verdade que tendes máis poder que a humana xente, aquí e agora, facede que os espíritos dos amigos que están fora, participen con nos desta queimada.

 

 Enlace a versión original   http://aldeasgallegas.com/sanxoan.htm

imprimir

Xullo - Asalto ao Castelo de Vimianzo

Valoración: 5 / 5

Star activeStar activeStar activeStar activeStar active

Enlace á páxina oficial do evento no Facebook

550 anos de Guerra Irmandiña... XXIII Asalto ao Castelo de Vimianzo (Costa da Morte)

Venres 6 e sábado 7 de xullo de 2018

Unha das moitas fortalezas destrozadas na Gran Guerra Irmandiña foi esta de Vimianzo.

Corría o ano 1467 cando o pobo se ergueu en armas  contra o seu Sr. D. Bernal Yáñez, da familia dos Moscoso, condes de Altamira e señores absolutos de terras de Soneria , asaltando o Castelo cansos dos abusos que tiñan establecidos. Seguindo o exemplo dos seus veciños da comarca ferrolana de Andrade que se levantaran no 1431, aínda que daquela Roi Xordo non o conseguiu, trinta e pico anos despois  oitentamil homes aunaron esforzos para detrozar o símbolo do poder feudal, os castelos .

Preto de 150 fortalezas foron derribadas, pero Pedro Madruga "Pedro de Sotomaior", introductor das armas de fogo , logrou conter a revolta e doblegar ós irmandiños que foron obrigrados a reconstruir os seus castelos. 

Finalmente os Reies Católicos , na "doma e castración de Galicia"  ordenaron o derribo  de tódalas torres que voltaran facer  levantar os nobres  e leváronos hacia a corte alexándoos esí de Galicia.

Más información véxase Mariscal Pardo de Cela

Dende o ano 1995 a asociación Axvalso homenaxea este episodio medieval que se saldou coa destrución case total da vella fortaleza dos Moscosos.

Fundíndose o pasado có presente o visitante non debe de se sorprender se ve cousas antigas con modernas misturadas que lle dan ao acontencemento un toque cómico.

Converterse esta noite nun irmandiño máis, participando do asalto ao castelo é o obxetivo a acadar para os visitantes a este evento. 

No medio de  música Folk e ao ser instados polas mulleres á rebelión os heroes diríxense ata a Fortaleza cuns fachóns de palla, nun cruce cercán esperan a que o xefe ordene levantalo arriete e correr deica o castelo ao grito de "Abaixo as Fortalezas". 

A  posta en escea é espectacular, ducias de actores e voluntarios interpretan aos personaxes da época , soldados, bruxas, curas e campesiños . Os fogos de artificio poñen fin a un enfrontamento incerto  e inesperado.

Ao mencer do día seguinte  podemos quedarnos a coñecer algo máis desta terra de Vimianzo, como dómenes, necrópolis, igrexas románicas ou pazos de renome.

En canto ao valor etnográfico tamén se poden ver os Batáns do Mosquetín onde antigamente se trataba o liño,  que tanto formou parte da vida cotidiá,  non fai un tempo tan lonxano e do que  aínda alguén garda  recordo.

Fonte: "Galicia, la historia es una Fiesta"

 

 

imprimir

2ªdo sábado de xullo, Feira Guímara - Medieval

Valoración: 5 / 5

Star activeStar activeStar activeStar activeStar active

Edición 2018  Sábado 07 de xullo - Máis Info 

A Pobra do Brollón, un dos  escasos "territorios de realengo" que conservou en Galicia a Coroa. Todas as aldeas deste territorio durante  a Idade Media eran, polo tanto, de realengo que son os que teñen por  señor a “Su Majestad, Dios le guarde, sin que se reconozca otro señorío ni por esta razón se pague cosa alguna a ningún señor”. Un privilexio para a nosa terra  nesa época de tantos séculos  que abarca este periódo, xa que a maior parte do territorio de Galicia era de xurisdicción señorial ou de abadengo, sendo escasas as terras de xurisdicción real.

Alá por o ano 1494  os procuradores de A Pobra do Brollón,  Gonzalo de Losada e Xoán Franco, denunciaron ós Reixes Católicos que:

  "El Conde de Lemos y sus oficiales obligaban a los vecinos de Puebla a realizar una serie de serventías y fazenderas, con es ir a labraren en su cavas e ferrerias, e en otras cosas, e faziendo cortar madera e que los dichos las llevasen a sus casas sin les pagar por ello salario alguno". Referencia: La Nobleza gallega en la Baja Edad Media, de P. García Oro.

  Os Reies reprenderon ós Condes de Lemos por tales abusos, pero ós poucos días,  esos mesmos Condes quixeron impor un novo dereito que incluía o pago da quinta parte de pan e do viño que se recollían en dita terra do Brollón. Os veciños resistiron unha vez mais e pediron os Reies unha solicitude de amparo, e os reies tiveron que recordarlles unha vez mais aos feudais de Lemos que a terra da Póboa era de realengo e que semellantes exaccións foran prohibidas por as cortes de Toledo no ano 1480."

 

<

Video edición 2018

Enlace: Feira Guímara - 2016

Enlace a lista de Reproducción 2016

Enlace a páxina oficial do Facebook do Evento 

imprimir

RAPA das BESTAS Sabucedo, A Estrada e Viveiro FEIRA do CABALO

Valoración: 5 / 5

Star activeStar activeStar activeStar activeStar active

 rapa

- Rapa das Bestas en Sabucedo 2018  do 06 ao 09 de xullo

http://www.rapadasbestas.gal/

En 1567 dúas irmás de Sabucedo, un pobo de Pontevedra, foron pedirlle a San Lorenzo que lles librase da peste negra, a cambio estas regalaríanlle dous cabalos.

Contan que este foi o inicio da tradición coñecida co nome “ rapa das  bestas”, que se vén celebrando neste pobo desde hai máis de 4 séculos.

A rapa consiste na procura grupos de cabalos salvaxes. Homes a pé corren  axudados por outros homes a cabalo,  rodeando os grupos e facendo baixar ata o pobo que está a un 15 km de distancia. Unha vez no pobo, encérranos no curro, unha praza circular feita de paredes de pedra. Nenos de entre 12 e 15 anos inícianse nesta tradición separando aos poldros dos cabalos.

Despois chega a quenda dos homes, teñen que conseguir someter aos cabalos, raparlles as crines, as colas e marcalos.

Son necesarios 3 homes para someter a un cabalo, un móntao para cansalo, outro o colle polo pescozo, o terceiro cólleo pola cola, rápao e márcao.

Sen dúbida a doma dos animais é unha arte ancestral transmitida de xeración a xeración que perdura nos nosos días.

Nin se lles quere facer dano, nin se realiza esta práctica por divertimento.

 

imprimir

14 de xullo Feira Tradicional Outrora

Valoración: 5 / 5

Star activeStar activeStar activeStar activeStar active

Feira Tradicional Outrora

 Sobre este Evento

A parroquia de Santiago de Rubián, no concello de Bóveda,  celebra os días 14 e 29 de cada mes a súa feira dende hai varias décadas.

Polo mes de xullo á feira tradicional engádeselle  este evento que xunta a diversos artesáns galegos nunha demostración de oficios,  con postos de venda de artesanía, actuacións da banda de Gaitas e Danzas do concello, actuacións na capela do Ecce Homo, xogos e talleres para os máis cativos, representación etnográfica da malla dos anos setenta, isco no guizo e baile para rematar a xornada.

Conmemórase cada 14 de xullo esta Feira Tradicional Outrora de Rubián, evento pensado para que xente de tódalas idades poida vir gozar nalgún momento da festa, dada a súa ampla oferta lúdica que se desenvolve nas catorce horas que vén durando.

Recreación histórica que forma parte da nosa cultura e identidade. Oficios e tradicións.

 

 

En agosto, a feira do día 14 coñécese como a Feira do Ano. A diferenza da de xullo,  non conta con ningún evento a maiores dos habituais de calquera catorce de mes, postos ambulantes de ferramentas, pans, hortalizas, roupa e á hora do xantar, o tan apreciado polbo nas instalacións tan ideais coas que conta esta localidade. É considerada a Feira do Ano porque recibe centos de visitantes que escollen este mes para pasar as súas vacacións nesta zona da Ribeira Sacra do sur lucense e achéganse ata aquí sobre todo a comer ese delicioso prato ou un churrasco de alta calidade xa que esta zona de Galicia destaca polas súas carnes. Nas salpicadas aldeas da súa xeografía hai numerosas explotacións de gando vacún de carne criado dun xeito tradicional.

Vir un catorce a Rubián, sexa cal for o mes do ano, garante un bo xantar con produtos de primeira calidade.

 

Enlaces a reportaxes de edicións anteriores:

XVI Feira Tradicional Outrora 2018

14 de xullo Feira Tradicional Outrora 2017

Enlace a lista de reprodución de vídeos

Galería Fotográfica Outrora Rubián 2017

14 de xullo, 2016 - Feira Tradicional Outrora - Rubián - Bóveda

Outrora 2015   Outrora 2014   Outrora 2013 Outrora 2012   Outrora 2011  Outrora 2008  Malla Tradicional

imprimir

Tremiñá - Veigamuíños - O Barco de Valdeorras

Valoración: 5 / 5

Star activeStar activeStar activeStar activeStar active

Mercado Medieval de Tremiñá-Veigamuiños

Organizado pola Asociación de Mulleres Ruráis de Veigamuiños - O Barco de Valdeorras

No mes de xullo vénse celebrando dende fai máis de quince anos.

Enlace á páxina oficial do evento de Facebook

Enlace a vídeo malla 2017

Neste Mercado Medieval, actividades como a representación etnográfica da  malla a man, artesanía local, música tradicional, concurso literario en lingua galega, oficios, fiada, cestería, palilleiras e bolos. 

Se queres disfrutar dunha xornada rememorando vellos tempos ou dandollelos a coñecer aos teus fillos ou netos  este lugar é unha boa opción  para ir a coñecer e moito máis neste día  de festa.

 

Este evento non se realizará no 2018 no seu lugar o último domingo de agosto o concello fará noutra zona da vila un novo evento

Citar a Google como fonte de imaxes

 

 

 

 

imprimir

Feira dos Callos, Cantería e Artesanía en PARGA

Valoración: 5 / 5

Star activeStar activeStar activeStar activeStar active

Feira dos Callos, Cantería e Artesanía en PARGA

Parga (Sto Estevo)  2018 XXIV Edición

Terceiro domingo de xullo

 "A parroquia de San Estevo de Parga esta situada a 6 km de Guitiriz , e conta con  13 entidades poboacionais: O Carballal, Cercedo, O Buxío, A Chantada,O Covelo, Ferreira, A Vilonchada, Galiñeiro, Montemeá, A Ponte, A Pobra de Parga, Portopulgo, A Tolda.

Nesta parroquia está situada a Fonte de Valdovin, que é unha das tres fontes minero medicinais que hai no concello. Outra das paraxes naturais que posúen un encanto especial é a Area Recreativa da Carballeira situada a beira do río Parga. Ademais destas áreas recreativas destaca tamén o CIT ( centro de iniciativas turisticas) onde se pode xogar o fútbol, ó baloncesto ou simplemente descansar disfrutando da fermosura deste lugar.

Parga posúe un riquísimo patrimonio histórico- cultural, de feito podemos atoparnos con restos de monumentos pertencentes a cultura epipaleolitica como é “O xacemento de Pena Xiboi”, declarado ben de interese cultural.

Outro dos lugares máis emblemáticos de Parga é o contorno da Igrexa Parroquial de Parga, onde podemos ver restos de sarcófagos antropoides, así como os restos do Castelo de Parga , é o cruceiro que hai nos seus arredores. No interior desta igrexa tamén podemos observar unhas pinturas murales.

O lado do centro de saúde atopase a “Capela de San Xosé” , da que destaca no seu interior un retablo de estilo barroco e talla da Virxe sedente có Neno.

En Parga abundan as festas e feiras , así as feiras celébranse os domingos entre os días 9 e 15 e o último domingo de mes. Unha das máis coñecidas é a “Feira da Canteria , artesanía e callos” , onde podemos ver como os canteiros traballan na pedra, así como disfrutar dun dos pratos típicos da zona como son os callos, neste día abundan as merendas familiares na carballeira. As festas parroquiais son na Honra a San Roque, o terceiro fin de semana de Agosto."

Fonte Web do Concello

imprimir

Festas dos Avós e da Xuventude

Valoración: 5 / 5

Star activeStar activeStar activeStar activeStar active

DÍA DOS AVÓS

26 de xullo

En case que tódolos concellos de Galicia celébrase algunha festa adicada as persoas de máis idade.

Estas festas dos avós fan que ao menos unha vez ao ano se xunten vellos coñecidos e amigos.

Disfrutar do reencontro, dun bó xantar, acompañados de música e dos netiños é unha boa maneira de compartir momentos de ledicia.

Enlace a reportaxe anterior 

 

imprimir

A CORDA DA SANTA COMPAÑA                  

Arbore de Nadal das aldeas galegas

     Enxebre Web

 

 

 

   

ARTIGOS RECENTES

AS CORES DO OUTONO

CASTRO DE REI DE LEMOS

SAN FACUNDO DE CEA